0800 90 90

Në zbatim të nenit Neni 54 “Kriteret e pranimit të punonjësve të Agjencisë” të ligjit nr.128/2021 “Për Agjencinë e Mbikëqyrjes Policore” si dhe neneve përkatëse në Rregulloren e Agjencisë, janë përcaktuar kriteret e përgjithshme dhe kriteret e posaçme për të gjithë kanditatët e mundshëm që kërkojnë të punësohen në Shërbim.

Sipas ligjit nr.128/2021 “Për Agjencinë e Mbikëqyrjes Policore”, punësimi pranë strukturës së Agjencisë bëhet nëpërmjet konkurimit të hapur për plotësimin e vendeve të lira të punës.

Në këto kushte nëse plotësoni kriteret specifike dhe kriteret e përgjithshme të përcaktuara në ligj, ju lutemi ndiqni njoftimet për shpallje të vendeve të lira të punës që bën Agjencia në faqen e saj të internetit dhe në gazeta dhe aplikoni për to, duke paraqitur edhe dokumentacionin përkatës.

Qytetarët mund të dërgojnë pranë Agjencisë çdo ankesë që lidhet me raste të abuzimit me detyrën, shkeljet e ligjit apo sjelljet e pahijshme nga ana e punonjësve të strukturave të:

1. Policisë së Shtetit
2. Gardës së Republikës
3. Shërbimit të Mbrojtjes nga Zjarri dhe Shpëtimin

Ankesat e ardhura për struktura që nuk janë objekt i punës së Agjencisë, administrohen dhe i dërgohen strukturave përkatëse për kompetencë dhe trajtim.

Njoftimi për paraqitje bëhet me anë të fletëthirrjes, duke përcaktuar arsyen e paraqitjes, të dhëna për punonjësin e policisë, kohën, vendin dhe informacion për ta kontaktuar punonjësin e policisë në rast pamundësie për t’u paraqitur.
Kur për shkak të kushteve personale dhe familjare, personi që njoftohet nuk mund të paraqitet në mjediset e policisë, punonjësi i policisë mund ta marrë këtë informacion në vendndodhjen e personit të njoftuar. Në rastet kur personi i njoftuar nuk paraqitet në ambientet e policisë pa shkaqe dhe arsye të përligjura, policia kryen shoqërimin kundër vullnetit të tij, në përputhje me Kodin e Procedurës Penale.

a) kur është dënuar me burgim nga gjykata kompetente;
b) për moszbatim të urdhrave të ligjshëm të gjykatës ose ndonjë detyrimi të përcaktuar me ligj;
c) kur ka dyshime të arsyeshme se ka kryer vepër penale;
d) për të parandaluar kryerjen e një vepre penale;
e) kur është larguar pas kryerjes së një vepre penale;
f) për identifikimin e personit ndaj të cilit zhvillohen hetime, sipas kushteve të përcaktuara në Kodin e Procedurës Penale;
g) për mbikëqyrjen e të miturit për qëllime edukimi ose shoqërimin e tij në organin kompetent;
h) kur personi është përhapës i një sëmundjeje ngjitëse, i paaftë mendërisht dhe i rrezikshëm për shoqërinë;
i) për hyrje të paligjshme në kufirin shtetëror, si dhe në rastet e dëbimit ose ekstradimit.

Bazuar në nenin 20 të Ligjit Nr. 82/2024 “Për Policinë e Shtetit”, rastet e njoftimit të shtetasve për paraqitje në strukturat e Policisë së Shtetit janë:
a) për të marrë informacion për parandalimin e veprimit ose mosveprimit të kundërligjshëm;
b) për të identifikuar personin që mund të ketë dijeni për rrezikun apo incidentin;
c) për të identifikuar shkelësin e mundshëm të ligjit.

Personi i shoqëruar nuk trajtohet në të njëjtat kushte me personin e ndaluar ose të arrestuar dhe në çdo rast, shoqërimi duhet të zgjasë deri në sqarimin e çështjes, por jo më shumë se 5 orë.

Agjencia merret me trajtimin e Ankesave që vijnë nëpërmjet linjës së gjelbër, postës zyrtare, postës elektronike, rrjeteve sociale apo strukturave të tjera, ndaj subjekteve që janë përcaktuar në Nenin 5 të ligjit nr.128/2021 “Për Agjencinë e Mbikëqyrjes Policore”.

Për më shumë informacion mund të kërkoni në kategorinë ANKESAT, ku do të gjeni informacion të bollshëm mbi mënyrat e kontaktimit me Agjencinë.